நயன்தாரா படத்தின் புதிய அறிவிப்பு!!
விக்னேஷ் சிவன் தயாரிப்பில் நயன்தாரா நடிப்பில் உருவாகி வரும் நெற்றிக்கண் படத்தின் புதிய அறிவிப்பு ஒன்று வெளியாகி உள்ளது.
தமிழ் சினிமாவில் முன்னணி நடிகையாக வலம் வருபவர் நயன்தாரா. இவர் தற்போது விக்னேஷ் சிவன் தயாரிப்பில் நெற்றிக்கண் படத்தில் நடித்து வருகிறார்.
‘அவள்’ படத்தின் இயக்குநரான மிலந்த் ராவ் இப்படத்தை இயக்கியுள்ளார். இந்தப் படத்தில் நயன்தாராவுடன் அஜ்மல் முக்கியக் கதாபாத்திரத்தில் நடித்துள்ளார். கிரிஷ் இசையமைத்து வரும் இந்தப் படத்துக்கு ஆர்.டி.ராஜசேகர் ஒளிப்பதிவு செய்து வருகிறார்.
இந்நிலையில் இப்படத்தில் இடம் பெறும் இதுவும் கடந்து போகும் என்ற பாடலை இன்னும் சில தினங்களில் வெளியிட இருப்பதாக படக்குழுவினர் அறிவித்துள்ளனர்.
