மீண்டும் இயக்குனராக களமிறங்கும் கங்கனா ரணாவத்!!

பாலிவுட்டில் முன்னணி நடிகையாக வலம்வரும் கங்கனா ரணாவத், ஏற்கனவே ‘மணிகர்னிகா’ என்ற இந்தி படத்தை இயக்கி உள்ளார்.

மறைந்த முதல்-அமைச்சர் ஜெயலலிதா வாழ்க்கை வரலாறு, விஜய் இயக்கத்தில், ‘தலைவி’ என்ற பெயரில் படமாகி இருக்கிறது.

அதில் ஜெயலலிதா வேடத்தில் பிரபல இந்தி நடிகை கங்கனா ரணாவத் நடித்து இருக்கிறார்.

இந்த படம் விரைவில் வெளிவர இருக்கிறது.

இதையடுத்து, முன்னாள் பிரதமர் இந்திராகாந்தி வாழ்க்கை வரலாற்று படத்தில் கங்கனா ரணாவத் நடிக்கிறார்.

இந்த படத்துக்கு, ‘எமர்ஜென்சி’ என்று பெயர் சூட்டப்பட்டுள்ளது.

இந்திராகாந்தி பிரதமராக இருந்தபோது நெருக்கடி நிலையை பிரகடனம் செய்தார்.

அதை சுட்டிக்காட்டும் விதத்தில், படத்துக்கு ‘எமர்ஜென்சி’ என்று பெயரிடப்பட்டு இருக்கிறது.

இந்திராகாந்தி வேடத்தில் கங்கனா ரணாவத் நடிப்பதுடன், இப்படத்தை இயக்கவும் உள்ளார்.

அவர் இயக்கும் இரண்டாவது படம், இது என்பது குறிப்பிடத்தக்கது.